.

.
تازہ ترین
کام جاری ہے...

آل انڈیا صحافیوں کی ڈائریکٹری” پترکاریتا کوش” کا اجراء

منگل, اگست 05, 2014
ممبئی /دہلی : 5اگست(اشرف علی بستوی/آفتاب عالم)

 آج کے صحافی بہت بیدار ہیں. وہ معاشرے سے برائیوں کو دور کرنے لیے ہمیشہ کوشاں رہتے ہیں. ان کے لئے "پترکاریتا کوش" یعنی آل انڈیا صحافیوں کی یہ ڈائریکٹری بہت مفید ہے. یہ باتیں مہاراشٹرکے ریاستی وزیر عارف نسیم خان نے آج ممبئی کے و لے پارلے واقع شبھم ہال میں سماجی تنظیم "ہم لوگ " کی جانب سے آل انڈیا صحافیوں کی ڈائریکٹری "پترکاریتا کوش -2014 " کے رسم اجرا کی تقریب میں اپنے صدارتی خطاب میں کہیں ۔ اس موقع پر ریئل اسٹیٹ سے متعلق ایک مفید ویب سائٹ www.buyrightmumbai.co کو بھی لانچ کیا گیا. تقریب میں مہمان خصوصی کے طور پر شریک مہاراشٹر کے سابق وزیر مملکت برائے داخلہ کرپاشنکر سنگھ نے اپنی گفتگو میں صحافت کو مقدس پیشہ قرار دیا اور پترکاریتا کوش کے اس شمارے کی ضرورت اہمیت کو اجاگر کیا.
دوپہر کا سامنا کے ایگزیکٹو ایڈیٹر پریم شکل نے کہا کہ آفتاب عالم کی ادارت میں اس کوش نے بڑی کامیابی سے 14 سال کا اپنا سفر طے کیا ہے. اس کے ذریعے ملک بھر کے مصنفوں اور صحافیوں کو تقویت ملی ہے . آئی بی سنگھ نے سماج، ثقافت، سیاست، ادب کے میدان میں کام کرنے والوں کو پترکاریتا کوش نے روشنی فراہم کی ہے۔ جنم بھومی کے ایڈیٹر کندن ویاس نے " پترکاریتا کوش " کے 14 ویں ایڈیشن کی باقاعدہ اشاعت کو اہم کوشش بتایا اور کہا کہ یہ ملک کے تمام ریاستوں کے قلم کاروں اور صحافیوں کے درمیان پل کا کام کرتی ہے ۔نوبھارت کے سٹی ایڈیٹر برج موہن پانڈے نے صحافیوں کو ہمیشہ مثبت سوچ رکھنے پر زور دیا. انہوں نے کہا کہ مثبت سوچ سے ہم اپنے ساتھیوں کو لے کر آگے بڑھ سکتے ہیں اوران کی خامیوں کو دور کر سکتے ہیں جو ملک کی ترقی کے لئے انتہائی ضروری ہے. ہندی اخبار ممبئی متر و ورت متر کے گروپ ایڈیٹر ابھیجیت رائے نے پترکاریتا کوش کو ملک کے مصنفوں اورصحافیوںکے ملاقات کا ایک بہتر پلیٹ فراہم قرار دیا۔

واضح ہو کہ "پترکاریتا کوش" ممبئی کے معروف صحافی آفتاب عالم کی ادارت میں سن 2000سے محض 168 صفحات سے شروع ہوئی تھی جو آج 1000 صفحات کو پار کر گئی ہے. اس سے پترکاریتا کوش کی مقبولیت کا بخوبی اندازہ لگایا جاسکتا ہے۔ اس کی خاص بات یہ ہے کہ بلا ناغہ ہر سال ترمیم شدہ اطلاعات کے ساتھ شائع کی جاتی ہے جس میں ملک کی مختلف ریاستوں کے الیکٹرانک و پرنٹ میڈیا کے صحافیوں، ہندی و اردو کے ادیبوں کے نام موبائل و فون نمبران کا پورا پتہ ، ادارے سے ان کی وابستگی و ای میل درج ہوتاہے جس سے بڑی آسانی سے ایک جگہ بیٹھ کر دوسری ریاست میں کام کرنے والے میڈیا کے افراد سے رابطہ کیا جاسکتا ہے ، یہ ڈائریکٹری ان سماجی تنظیموں کے لیے بھی بڑی اہم ہے جوسماجی بہبود د کے کاموں میں مصروف ہیں۔
ممبئی کی معروف سماجی تنظیم "ہم لوگ" کے صدر ایڈ. وجے سنگھ نے ڈائریکٹری کے اڈیٹر آفتاب عالم کو بارک باد دی اور انہیں ہر ممکن تعاون کی یقین دہانی کرائی۔ پترکاریتا کوش کے اڈیٹر آفتاب عالم نے کہا کہ گزشتہ ایک دہائی میں صحافت کے میدان میں کافی وسعت پیدا ہوئی ہے بڑی تعداد میں لوگوں نےا س جانب رخ کیا ہے جس کی وجہ سے اس میں ناموں کی تعداد میں ہر سال مسلسل اضافہ ہو رہا ہے. انہوں نے کہا کہ یہ کوش نہ صرف ملک کے میڈیا اور ادیبوں کے لئے بلکہ بیرون ملک رہنے والے غیرمقیم بھارتی مصنفین کے لئے بھی انتہائی مفید ہے.اسے بذریعہ ڈاک حاصل کرنے کے لیے 09224169416 پر رابطہ کیا جاکتا ہے ۔
پروگرام میں بڑی تعدادمیں ملک کے معروف صحافتی اداروں کے ذمہ داران اور صحافیوں شرکت کی اور اظہار خیال کیا۔

0 تبصرے:

ایک تبصرہ شائع کریں

اردو میں تبصرہ پوسٹ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کر دیں۔